ఆంధ్రభారతి - తాళ్లపాక అన్నమాచార్య కీర్తనలు - సహజ వైష్ణవాచారవర్తనుల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 2-4
సంపుటము: 1-10

తాళ్లపాక అన్నమాచార్య

రాగము: సామంతం

సహజ వైష్ణవాచారవర్తనుల సహవాసమే మా సంధ్య	॥సహజ॥
అతిశయమగు శ్రీహరిసంకీర్తన సతతంబును మా సంధ్య మతి రామానుజమతమే మాకును చతురత మెఱసిన సంధ్య	॥సహజ॥
పరమభాగవతపదసేవనమే సరవి నెన్న మా సంధ్య సిరివరు మహిమలు చెలువొందఁగ వే- సరక వినుటే మా సంధ్య	॥సహజ॥
మంతుకెక్క తిరుమంత్రపఠనమే సంతతమును మా సంధ్య కంతుగురుఁడు వేంకటగిరిరాయని సంతర్పణమే మా సంధ్య	॥సహజ॥