ఆంధ్రభారతి - తాళ్లపాక అన్నమాచార్య కీర్తనలు - ఇందుకొరకె యిందరును నిట్లయిరి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 2-5
సంపుటము: 1-11

తాళ్లపాక అన్నమాచార్య

రాగము: మాళవిశ్రీ

ఇందుకొరకె యిందరును నిట్లయిరి కిందుపడి మఱికాని గెలుపెఱఁగరాదు	॥ఇందు॥
అటమటపు వేడుకల నలయించి మఱికదా ఘటియించుఁ బరము తటుకన దైవము ఇటు సేయ నీశ్వరున కీసు గలదా? లేదు కుటిలమతిఁ గని కాని గుణిఁ గానరాదు	॥ఇందు॥
బెండుపడ నవగతులఁ బెనఁగించి మఱికదా కొం డనుచుఁ బర మొసంగును దైవము బండు సేయఁగ హరికి బంతమా? యటుగాదు యెండ దాఁకక నీడ హిత వెఱఁగరాదు	॥ఇందు॥
మునుప వేల్పులకెల్ల మ్రొక్కించి మఱికదా తనభ క్తి యొసఁగు నంతట దైవము ఘనవేంకటేశునకు గపటమా? అటుగాదు తినక చేఁదునుఁ దీపు తెలియనే రాదు	॥ఇందు॥